波兰 日本分组赛旅游团,太阳报—全球体育资讯,365体育投注
  • 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 世界杯
  • 球坛百科
  • 首页 > 报纸波经 > 太阳报 > 正文

    波兰 日本分组赛旅游团

    时间:2018-06-13 08:44:57来源:互联网
    俄罗斯世盃听晚开波!「列强起动」最后介绍H组「分组赛旅游团」成员波兰同日本。两队近年出席决赛周表现一般,唔似会行得远,今次波兰有罗拔利云度夫斯基孭飞,日本就搵新教头西野朗救亡,当然希望喺今次旅程玩多几日,唔好咁快返屋企。
    英雄罗拔 随时变身
    波兰喺世盃历史上威过,曾经拎过两次季军,不过进入千喜年后,佢的喺2002年同2006年两次入决赛周,同样喺分组赛玩完。今次波兰终于等到罗拔利云度夫斯基出现,梗系希望佢好似超级英雄咁变身做救世主啦!
    2002年同2006年世盃,波兰都喺连输两场嘅情况下,只能够喺最后1场分组赛赢波拎个安慰奖,距离出线嘅目标睇落都几遥远。好彩嘅系,今次波兰有罗拔利云度夫斯基孭飞,佢喺外围赛个人丧入16球,劲到好似超级英雄电影嘅主角咁。
    外围赛个人癫入16球
    事实上,波兰喺外围赛得28个入球,罗拔仔攻入16球真系好癫,特别系佢的嘅2号射手高拿斯基得3个入球,证明罗拔仔真系有能力1个救全家,难怪连皇家马德里都希望喺拜仁慕尼黑手上撬走佢,搵佢帮新教练开创新时代。
    就算罗拔仔被重点看管,都唔代表波兰失去所有战斗力,因两年前嘅欧国盃,佢的就喺罗拔仔得1个入球嘅情况下入到8强,仲喺分组赛打和过德国,只不过互射12码不敌最后攞冠军嘅葡萄牙,有机会喺俄罗斯玩多几日。
    临阵易帅 坚拒认命
    日本喺俄罗斯世盃开始前几个月,突然炒夏利荷锡鱿鱼,安排新帅西野朗接手领军,不过佢嘅「超攻击」打法,似乎喺热身赛行唔通,大和魂究竟今届可以行到几远?唔多乐观萝!
    1998年起,日本连续6次跻身决赛周,当中得两次入16强,包括2002年以半个东道主身份喺分组赛出线,同2010年喺南非被全世界睇衰下突围,南非世盃开幕前,教头冈田武史几乎被网友闹到佢辞职,佢好好彩燃起日本嘅大和魂,变身英雄创造奇迹。
    拥亚洲超豪华阵容
    今次日本嘅形势有啲似2010年,出发集训前受到球迷冷待,西野朗承受嘅压力唔会细过当年嘅冈田武史。不过,日本球员喺逆境下特别搏,《足球小将》主角戴志伟嘅「比赛仲未完o架」系佢的格言,相信东瀛武士唔会咁易认命投降。
    日本拥有亚洲嘅超豪华阵容,唔止有欧洲外流经验嘅球员多,本田圭佑、长友佑都甚至宇佐美贵史更效力过顶级球会,只要打出本身风格,表现唔会差过哥伦比亚太多,如果头两场有分,尾场对波兰就易踢得多。
    帅料:拿华卡(波兰˙60岁)
    2013年开始执教波兰,代表作系领军跻身2016年欧国盃8强,当时仅以互射12码不敌葡萄牙。拿华卡强调快速压迫战术,藉此利用反击争取入球,球队喺外围赛就攻入28个「士哥」。
    波兰世盃战斗史
    波兰喺1938年首次出席世盃决赛周,而且喺1974年同1982年得到季军,不过佢的喺1986年16强出局后,连续3届拎唔到决赛周资格,就算喺2002年同2006年重返大舞台,命运同样系分组赛出局,意味佢的今次去俄罗斯,背负重振国家足球嘅责任。
    帅料:西野朗(日本˙63岁)
    西野朗喺2008年带领大坂飞脚夺得亚冠盃冠军,可惜随后佢执教神户胜利船同名古屋鲸鱼,同样失败收场,前年佢加入日本足协担任技术委员会顾问,今年3月出山接管日本国家队帅印。
    日本世盃战斗史
    自1998年首次参赛起,日本已连续6届跻身世盃决赛周,不过当中得2002年同2010年能够闯入16强,其馀3届同样喺分组赛出局,而且入球数字偏低,对上5届嘅17场赛事得14个入球,平均每场得0.82个入球。

    声明:本网站所收集文字、图片等内容均系网民撰写或程序在互联网中自动收录转载,文章著作权归原作者所有,内容为作者个人观点。转载的目的在于非盈利传递更多信息及用于网络分享,并不代表本站赞同其观点和对其真实性负责,也不构成任何其他建议,只供参考之用。本网站不保证信息的准确性、有效性、及时性和完整性。

    如果您发现网站上有侵犯您的知识产权的作品和其它问题,请与我们取得联系,我们会及时修改或删除。