• 首页
  • 即时比分
  • 篮球NBA
  • 国际足球
  • 中国足球
  • 综合体育
  • 彩票中心
  • 赛事分析
  • 报纸波经
  • 亚运会
  • 球坛百科
  • 首页 > 报纸波经 > 东方日报 > 正文

    意军誓塔冇核葡萄

    时间:2018-09-10 09:11:45来源:互联网
    首骚赢唔到文帅嬲爆
    今晚欧国联A3组爆发大战,由葡萄牙火併意大利。葡萄牙喺今次国际赛期畀王牌C朗挂免战牌,无疑令火力大减,意大利上轮大意失分,型佬主帅文仙尼嬲到爆,佢一向要面梗系唔衰得,难得葡军冇C朗必趁机搵着数,让球客胜咪错过。
    (有线662及602台周二凌晨2时45分直播)
    葡国C朗免役锋无力
    由于葡萄牙王牌C朗今季转投祖云达斯后,喺联赛都仲未开斋,佢希望尽快适应新环境,因此葡军特淮呢位大佬喺今次国际赛期免役。不过葡萄牙冇左C朗,可以靠边个数胡呢?老实讲句,无论系安达施华、谢臣马田斯都唔多靠得住,上周「拍跳」克罗地亚打和1比1,要劳动到老将中坚比比入波,可见冇C朗嘅葡军锋线几曳。
    意大利近7对赛仅1败
    另一边厢,无缘今夏世盃嘅劲旅意大利,依家改由型佬主帅文仙尼执教,呢位前国米及曼城嘅冠军级领队,近年转教加拉塔沙雷或辛尼特都唔多如意,今次不惜减人工,一来希望带领低迷嘅祖国走出谷底,二来都想证明自己系有料到,但日前喺欧国联A3组首轮赛事初次领军,几经辛苦先逼和波兰1比1,激到文帅扎扎跳,仲批评球员从后场推进时犯错甚多。佢份人最要「飞士」,虽然「契仔」巴洛迪利有啲伤,未知赶唔赶得切上阵,但撞正对面冇C朗,仲唔趁火打劫羊。加上近7次交手,意大利只系输过1次咁大把,受让必捧让球客胜。

    声明:本网站所收集文字、图片等内容均系网民撰写或程序在互联网中自动收录转载,文章著作权归原作者所有,内容为作者个人观点。转载的目的在于非盈利传递更多信息及用于网络分享,并不代表本站赞同其观点和对其真实性负责,也不构成任何其他建议,只供参考之用。本网站不保证信息的准确性、有效性、及时性和完整性。

    如果您发现网站上有侵犯您的知识产权的作品和其它问题,请与我们取得联系,我们会及时修改或删除。